المشكلة اللى بيعانى منها معظم الشركات في الوقت الحالي هي صعوبة تحقيق ربح من الإعلانات اللى بيعملوها سواء على الفيسبوك او أي قناة تسويقية ثانية

حتى ان البعض مش بيعرف يبيع خالص اونلاين.

في أسباب كتيره للمشكلة دى:

ممكن مشكلة في الاستهداف، مش بتعرف توصل للعميل المحتمل ليك
ممكن مشكلة في كتابة المحتوى او طريقة عرض المنتج نفسه
ممكن مشكلة في طريقة استخدام الفيسبوك في الإعلانات او اى قناة تسويقية تانية
ممكن مشكلة في طريقة البيع نفسها، الشخص المسئول عن الرد على العملاء مش مؤهل
الاسباب كتير جداً وبيكون صعب عليك تكتشفها لوحدك.

في عميل كان اشترك في الكورس معانا وهو بيعرف نفسه حكى قصة بسمعها بتتكرر كتير الصراحه

قال انه مؤخراً كان بيفكر جدياً يبيع البضاعة ويقفل البيزنس خالص، عشان حاول يبيع المنتج بنفسه لكن معرفش ولما اتفق مع شركة تسويق اخدوا منه 25 الف جنيه والنتيجة كانت اسوء من النتيجة اللى كان بيجيبها لنفسه، المشكلة مش في المبلغ ولا حتى النتيجة اللى وصلها معاهم، المشكلة ان شركة التسويق دى قالتله ان المنتج بتاعك مفيش طلب عليه في السوق، وده وارد احياناً، لكن لو قولتلك المنتج ايه مش هتصدق ان ممكن شركة تسويق تقول الكلام ده، العميل ده بيبع ملابس رجالى اونلاين!

ولما سالته طب ليه اشتركت في الكوس؟

قالي انه شاف ويبنار ليا بتكلم فيها عن استراتيجية لإعلانات الفيسبوك وراح طبقها وأول يوم حط 500 جنيه في الإعلانات وباع بـ 5000 جنيه.

وساعتها قرر يدخل الكورس.

العميل ده كلمته بطمن عليه بعد شهر تقريباً من انتهاء الكورس وبسأله اخبار الشغل ايه، قالى الحمد لله حلو جداً وعرفنى انه باع اكتر من 70% من البضاعة.

انا مش قادر اوصفلك حالة الرضا اللى كنت فيها لما سمعت الكلام ده.

حالة زى دى بتسعدنى اكتر بكتير من الفلوس اللى اخدناها من العميل ده.

الفضل كله يرجع لربنا، احنا كل الحاجات اللى بنطبقها وبتحقق معانا نتيجة اكتشفناها بالصدفة.

احياناً كل اللى بنحتاجه عشان نحل مشكله او نوصل لهدف معين اننا نتكلم مع شخص مر بنفس التجربه وفشل وجرب وفشل تانى وجرب لحد موصل لحل للمشكلة او حقق الهدف اللى احنا عاوزين نحققه.

ده بالظبط اللى بنقدمهولك

استشارة تسويق لمدة 60 دقيقة، هنحاول سواء نفهم البيزنس بتاعك ماشى ازاى حالياً وايه المشاكل اللى بتعانى منها، وهنساعدك تبنى استراتيجية تسويق متكاملة تساعدك تضاعف مبيعاتك خلال 90 يوم.

سعر الاستشارات عندنا 50 دولار للساعة الواحدة.

مهما كان حجم مشروعك، او المشكلة اللى بتعانى منها، احجز الاستشارة دلوقتى واتكلم مع احد خبراء مرشد وركس في التسويق الإلكتروني، لمساعدتك على فهم وتحليل السوق وبناء استراتيجية تسويق متكاملة تضمن لك مضاعفة مبيعاتك خلال الشهور القادمة.